प्रचण्ड
गाउँपालिका
माओवादी केन्द्र
एमाले
कम्युनिष्ट आन्दोलन
कार्यान्वयन
कपिलवस्तु- कपिलवस्तुको यशोधरा गाउँपालिका–८, शिवखोरस्थित बाणगंगा नदीमा पौडी खेल्ने क्रममा दुई किशोर बेपत्ता भएका छन्।
बेपत्ता हुनेमा स्थानीय मोहम्मद अलि मुसलमानका छोरा अन्दाजी १४ वर्षीय सर्फराज मुसलमान र इब्राम मुसलमानका छोरा अन्दाजी १४ वर्षीय उबेद मुसलमान रहेका छन्। दुवै किशोर गाईवस्तु चराउन भन्दै घरबाट निस्किएका थिए। सोही क्रममा नदीमा पौडी खेल्न जाँदा साँझ करिब ५ बजेदेखि उनीहरू बेपत्ता भएको जानकारी प्राप्त भएको हो।
घटनाको जानकारी पाएलगत्तै सशस्त्र प्रहरी बल नेपाल बोर्डर आउट पोस्ट मर्यादपुरबाट सशस्त्र प्रहरी निरीक्षक गोविन्द सिंह थापाको कमान्डमा विपद् व्यवस्थापन तालिम प्राप्त सात जनाको टोली खोजी तथा उद्धारका लागि परिचालन गरिएको सशस्त्र प्रहरी बल नेपाल नं. २८ गण हेडक्वार्टर कपिलवस्तुका प्रमुख सशस्त्र प्रहरी उपरीक्षक गोपाल अधिकारीले जानकारी दिनुभयो।
प्रहरी चौकी मर्यादपुरबाट दुई जना प्रहरी र स्थानीय बासिन्दासमेतको संयुक्त टोलीले खोजी कार्य जारी राखेको छ। बेपत्ता दुवै किशोरको अवस्था अझै अज्ञात रहेको र खोजी कार्य निरन्तर भइरहेको सशस्त्र प्रहरीले जनाएको छ।
